ഇടവേള

എന്‍റെ കണ്ണുനീരില്‍

വീണു മരവിച്ച

വലിയ മഴത്തുള്ളികള്‍

എന്‍റെ മുന്നിലൂടെ

കടന്നു പോകുന്ന

ശവം തീനി ഉറുമ്പുകള്‍

മറ്റൊരു നയാഗ്രയായ്‌

എന്‍റെ മനസ്സും

  ഈ ഇടവേളയിലെ

  വിരസത ഒരര്‍ബുദമായി

  മാറി നില്‍ക്കുമ്പോള്‍

  നടുങ്ങി നില്‍ക്കുന്ന

  സ്വപ്നങ്ങളൊക്കെയും

  നീ ബാക്കി വെച്ച

  വാക്കുകളുടെ ആഴത്തിലേക്ക്

  കുതിക്കുകയായിരുന്നു.

  

ശാന്തമാമെന്‍ സ്വപ്നങ്ങളെ 

ഭ്രാന്തമാക്കി നീ മറഞ്ഞെങ്ങോ

യാത്ര പോലും നിനക്കന്യമായി

എന്‍റെ പകലുകള്‍ കൂരിരുട്ടായി

ആ ഇരുട്ടിനുള്ളില്‍

എന്‍റെ ഒരു ലോകം

എന്‍റെ ഒരു ജീവന്‍ 

  നിന്‍റെ ആള്‍ജിബ്രക്ക് മുന്നില്‍

  തല കുനിച്ച എന്‍റെ കുത്തിവരകള്‍

  ഒരു ശുഭരാത്രിക്കപ്പുറത്തേക്ക്

  നിന്‍റെ ശബ്ദം

  കൂട്ടു വിളിച്ചിരുന്നെങ്കില്‍

  കണ്ണിനു കറുപ്പായി

  വിളര്‍ച്ചയായി,വിഷാദമായി

  മാറിയ നിന്നെ

  ഞാനെന്നും കാത്തിരുന്നേനെ

എന്‍റെ കണ്ണുകളെ നനച്ച് 
എഴുതി തളര്‍ന്ന കൈകളെ

തട്ടിമാറ്റി

എന്‍റെ ക്ലോക്കിലെ

സമയവും തെറ്റിച്ച്

എന്നിലേക്കാഞ്ഞടിച്ച കാറ്റിനെ

ഓര്‍ക്കാന്‍ കഴിയാതെ പോയോ

അറിയില്ല...

 തിരിച്ചു പോവാന്‍ സമയമായി

 ഈ ഇടവേളക്കോടുവില്‍

 മറ്റൊരു ജന്മത്തിന്‍

 അകത്തളത്തില്‍......